ਤਾਜਾ ਖਬਰਾਂ
ਅੱਜ ਸ੍ਰੀ ਆਨੰਦਪੁਰ ਸਾਹਿਬ ਨੇੜੇ ਪਿੰਡ ਮਾਂਗੇਵਾਲ ਵਿਖੇ ਗਊ ਰੱਖਿਆ ਦਲ ਨੇ ਇੱਕ ਟਰੱਕ ਰੋਕਿਆ ਜਿਸ ਵਿੱਚ ਲਗਭਗ 12 ਗਊਆਂ ਸਵਾਰ ਸਨ। ਦਲ ਦੇ ਮੈਂਬਰਾਂ ਨੇ ਟਰੱਕ ਨੂੰ ਰੋਕ ਕੇ ਪੁਲਿਸ ਨੂੰ ਸੂਚਨਾ ਦਿੱਤੀ ਅਤੇ ਤਸਕਰੀ ਰੋਕਣ ਲਈ ਢੁਕਵੀਂ ਕਾਰਵਾਈ ਦੀ ਮੰਗ ਕੀਤੀ।
ਗਊ ਰੱਖਿਆ ਦਲ ਦੇ ਰਾਸ਼ਟਰੀ ਪ੍ਰਧਾਨ ਗੁਰਪ੍ਰੀਤ ਸਿੰਘ ਨੇ ਦੱਸਿਆ ਕਿ ਇਹ ਟਰੱਕ ਗੁਰਦਾਸਪੁਰ ਤੋਂ ਸ੍ਰੀ ਅਨੰਦਪੁਰ ਸਾਹਿਬ ਰਾਹੀਂ ਜੰਮੂ ਕਸ਼ਮੀਰ ਵੱਲ ਜਾ ਰਿਹਾ ਸੀ, ਜਿੱਥੇ ਗਊਆਂ ਨੂੰ ਸਲਾਟਰ ਹਾਊਸ ਵਿੱਚ ਵੱਢਿਆ ਜਾਣਾ ਸੀ। ਉਨ੍ਹਾਂ ਦੱਸਿਆ ਕਿ ਮਾਝੇ ਵਿੱਚ ਗਊ ਤਸਕਰੀ ਬੇਹੱਦ ਵਧ ਗਈ ਹੈ ਅਤੇ ਹੁਣ ਤਸਕਰ ਹਿਮਾਚਲ ਰਾਹੀਂ ਗਊਆਂ ਨੂੰ ਭੇਜ ਰਹੇ ਹਨ।
ਉਹਨਾਂ ਨੇ ਪੰਜਾਬ ਸਰਕਾਰ ਤੋਂ ਮੰਗ ਕੀਤੀ ਕਿ ਗਊਆਂ ਦੀ ਰੱਖਿਆ ਲਈ ਵੀ ਸਖ਼ਤ ਕਾਨੂੰਨ ਬਣਾਇਆ ਜਾਵੇ। ਪੁਲਿਸ ਅਧਿਕਾਰੀ ਧਰਮਪਾਲ ਨੇ ਕਿਹਾ ਕਿ ਟਰੱਕ ਕਾਬੂ ਕਰ ਲਿਆ ਗਿਆ ਹੈ ਪਰ ਚਾਲਕ ਤੇ ਸਾਥੀ ਭੱਜ ਗਏ ਹਨ। ਜਲਦੀ ਹੀ ਦੋਸ਼ੀਆਂ ਦੀ ਪਛਾਣ ਕਰਕੇ ਕਾਨੂੰਨੀ ਕਾਰਵਾਈ ਕੀਤੀ ਜਾਵੇਗੀ।
Get all latest content delivered to your email a few times a month.
